domingo, 14 de junio de 2015

Keinua: ESKERRIK ASKO

Proposatuko dugun keinua oso sinplea da, seguruenik guztiok ezagutuko duzuela. Dinamikaren izena “armiarma sarea” da. Normalean haria edo artilea beharko genuke, baino oraingoan ezer gabe egingo dugu. Pertsona bat hasiko da hitz egiten; gelakide bat aukeratuko du eta esango du adibidez: “Mikel, eskerrik asko arazoak ditudanean nire ondoan zaudelako”. Orduan Mikelek beste pertsona bat aukeratuko du eta zerbaitengatik eskerrak emango dizkio.


Horrela jarraituko dugu gelako pertsona guztiek parte hartu arte. Dinamika honekin kate edo sare moduko bat sortuko dugun, non mundu guztiak eskerrak ematen eta jasotzen dituen. Ariketa polita izan daiteke ikasturteari amaiera emateko eta denak kontent bukatzeko.


domingo, 7 de junio de 2015

Ipuina: Guztiz ordainduta


Egun batean mutiltxo bat bere amarengana hurbildu zen. Ama sukaldean zegoen gau hartarako afaria prestatzen goxo-goxo. Eta umeak berak idatziriko papertxo bat eman zion amari. Ohar horretan ondorengoa jartzen zuen:
-      Belarra mozteagatik: 5 euro
-      Nire logela astero txukuntzeagatik: euro 1
-      Dendara mandatuak egitera joateagatik: 0,50 zentimo
-      Anai txikia zaintzeagatik: 0,25 zentimo
-      Zaborra kalera eramateagatik: euro 1
-      Eskolan nota onak ateratzeagatik: 5 euro
-      Patioa garbitzeagatik: 2 euro
-      GUZTIRA: 14,75 euro sor dizkidazu.

Ama ohar hura irakurtzean harriturik geratu zen. Eta denbora batez pentsatu ondoren, beraiek bizitutako momentuetan pentsatu eta ondorengo nota idatzi zion bestearen atzeko aldean:
-      Nire sabelean 9 hilabetez eramateagatik: 0 euro
-      Zure ohearen ondoan zu zaintzen egondako gauengatik: 0 euro
-      Bizi ditugun momentu zail eta isuritako malkoengatik: 0 euro
-      Ikasten lagundu zaitudan momentu guztiengatik: 0 euro
-      Urteetan emandako jostailu, arropa eta elikadurarengatik: 0 euro
-      Guzti honen batura egiten bukatzen duzunean, konturatuko zara maitasunak ez duela preziorik.

Mutilak oharra irakurtzen bukatu zuenean, malkoak bere masailetatik behera jaisten hasi ziren. Orduan konturatu zen, benetan oker jokatu zuela, maitasunak preziorik ez duelako eta bueltan ezer eskatu behar ez delako. Horregatik bere amaren begietara begiratu eta esan zuen “Ama benetan bihotz-bihotzez maite zaitudala”. Gero, oharra hartu eta ondorengoa idatzi zuen: faktura, guztiz ordaindua.

Hausnartzeko galderak:
-      Nola uste duzue portatu zela umea? Arrazoia zeukan?
-      Nola sentituko zen ama?

-      Zuen gurasoei eta ingurukoei eskerrak ematen dizkiozue ematen dizueten guztiarengatik? 

martes, 2 de junio de 2015

ESKER ONAren ERAMAILEak izan gaitezen!!!


Azkenean iritsi zaigu azkeneko hilabetea. Guztiok gogoz gaude oporrak hartzeko egindako lan gogorraren ondoren. Gainera, eguraldi onak, egunak luzeagoak dira, eskolan bakarrik goizez gaudela, San Martzialak gertu ditugula… guzti hauek kontent egoten laguntzen gaituzte.

Gure ingurura begiratzen badugu konturatuko gara zoriontsu egiten gauzak eta pertsona pilo bat daudela. Benetan eskertzekoa da Jainkoak eman digun bizitza. Baino zenbatetan ematen ditugu eskerrak?

Egunero gure bizitzan pertsona askorekin izaten gara harremanetan eta horregatik oso garrantzitsua da jakitea nola jokatu behar dugun. Denbora asko pasatzen dugu protestatzen eta gustatzen ez zaizkigun gauzez hitz egiten. Eta norbaitekin haserretu ezkero, hau gogor kritikatzen dugu eta mundu guziari kontatzen diogu. Egun oso batean zehar begiak itxi ez gero, konturatuko ginen denboran guztian iskanbilak entzungo genituela, baita haserreak ere.

    Baino konturatu al zarete gure inguruko pertsonak gure altxorrik preziatuenak direla? Zer egingo genuke beraiek gabe? Egia da batzuetan eztabaidak edo arazoak ditugula, baino askoz ere garrantzitsuagoa da ohartzea gure lagunek eta ingurukoek gugan sor ditzaketen poza eta sentimendu onak.

         Horregatik azkeneko hilabete honetan ahaleginduko gara eskerrak emanez. Doakoa da eta ez zaigu ezer kostatzen; eta bueltan jasotzen duguna oso handia da: gure ingurukoek irribarreak eta zoriontasunak.


Izan gaitezen Esker onaren eramaileak!!!

domingo, 10 de mayo de 2015

Keinua: KYONDO proeikturako sobreak

Aste honetan Santa Juanaren ospakizunekin egongo gara. Baino ez ditugunez gure dinamikak alde batera utzi nahi eta ez dugunez gauzak gehiegi konplikatu nahi. Pentsatu dugu aste honetako dinamika Kyondo-ko proiekturako diru bilketa izatea. Horregatik aurreko astean banaturiko gutun-azalak bilduko ditugu eta toki jakin batean utziko ditugu.

Dinamika honen helburu nagusia elkar laguntzearen kontzientzia piztea da. Guztion artean herri horretako ospitalea martxan jartzeko gai gara. Beraz, denon artean lortu dezakegu. Ea lortzen dugun denok parte hartzea, proiektu polit honi laguntzeko. 

domingo, 3 de mayo de 2015

SOLIDARITATEaren ERAMAILEak izan gaitezen

Ikasturtea aurrera doa udaberriarekin batera. Dagoeneko maiatzean gaude eta honek esan nahi du gero eta gutxiago falta zaigula ikasturtea bukatzeko. Gainera, gure eskolarentzat eta munduan dauden Mariaren Lagundiako guztientzat hilabete garrantzitsu bat da. Suposatzen dugu badakizuela zeri buruz ari garen; edo hobeto esanda, nori buruz. Bai bai, gure Santa Juanari buruz.
Asko dira Juanak erakutsi dizkigun gauzak; baino aurten azpimarratu nahiko genukeena solidaritatea da. Bera beti zegoen behartsuenak laguntzeko prest. Eta horrelakoak izan nahi dugu guk ere. Duela urtebete Mikhuy jangela eraikitzen bukatu genuen; eta aurten gure proiektu berriarekin hasi gara Congoko iparraldean. Beti alaitsu eta zoriontsu gaude besteei laguntzerakoan. Eta esan behar dugu Juana gutaz oso arro egongo zela.
Denok dakizuen bezala, munduan milaka herrialde daude eta guztiak dira desberdinak. Horregatik bakoitzaren egoera oso desberdina da; eta aberastasunak oso modu desorekatu batean daude banaturik. Kontuan izan munduan 1000 milioi pertsona baino gehiagok 1€ bakar bat baino gutxiago dutela egun bakoitzeko. Nola bizi gintezkeen Espainian hain diru gutxirekin? Ezinezkoa, ezta?

Baino egia da, naiz eta datu hauek oso kezkagarriak eta tristeak izan, pentsatu behar dugula munduan zuek bezain eskuzabalak diren pertsona asko daudela. Poliki-poliki egoera hori aldatzen joan gaitezke. Batzuetan gure dirua edo gauzak elkarbanatzea kostatzen zaigu,  baino pentsatu behar dugu askotan gauzak soberan ditugula. Eta lortu dezakegun saririk hoberena partekatzean bueltan jasotzen dugun irribarrea eta zoriontasuna da.
 Beraz, ea lortzen dugun gure bihotzetik ateratzen zaigun elkarbanatze nahia, gure ingurukoen artean kontagiatzea.

domingo, 26 de abril de 2015

Bideoa: TOLERANTZIA ETA ERRESPETUA

Gaurkoan ikusiko dugun bideoa haurrek ulertzeko oso erraza da. Bertan txori txiki eta berdintsu pilo bat ikusiko ditugu. Bat-batean desberdina eta askoz ere handiagoa den txori bat agertuko da beraien laguna izateko nahian. Baino txori txikiek beraz barre egingo dute, desberdina delako. Bukaeran zoritxar pixka bat jasango dute txori txikiek errespetu falta izateagatik.


Bideo honen helburua da erakustea besteez barre egitea gaizki dagoela eta luzarora begira, arazoak ekar ditzakegula.

                              ikusi BIDEOA


Hausnartzeko galderak:
-         Nolakoa iruditzen zaizue txori txikien jarrera?
-         Nola sentituko da beste txoria?
-         Zergatik iruditzen zaizue azkenean txori txikiek hegan ateratzen direla?
-         Ze ondorio ekarri litzaiguke besteez barre egiteak?




domingo, 19 de abril de 2015

Ipuina: IKUSI (errespetuaren inguruko ipuina)

Ipuina: Ikusi
Urteetan sartua zegoen gizonak ikusteko arazo handiak zituen. Zenbait lagunekin museo bat bisitatu zuen, artean aditua baitzen. Tamalez, egun horretan betaurrekoak etxean ahaztu zituen eta ezin zituen koadroak behar bezala ikusi. Galerian sartu orduko, aurrean zuen pintura kritikatzen hasi zen. Bere aurrean gorputz baten erretratua zuela pentsatuz, harro-harro, esaten hasi zen:

-     Koadroaren markoa zeharo desegokia da. Bertan dagoen gizonaren janzkera itsusia eta desitxurosoa da. Egia esan, artistak kale egin zuen pintatutako pertsonai hain itsusia eta zikina aukeratzerakoan. Koadroa errespetu-falta izugarria iruditzen zait.

Gizonak pinturari buruz zorrotz hitz egiten jarraitu zuen. Orduan, bere emazteak gozoki hartu zuen eta jendartean eramaten zuen bitartean esan zion suabe-suabe:

-         Maitea, ispilu bat baino ez zara begiratzen ari.

MEZUA: Gure gabeziak ikusten eta onartzen kostatzen zaigu, baina besteengan oso garbi ikusten ditugu.


Hausnartzeko galderak:

-         Nola sentituko zen gizona ispilu baten aurrean zegoela jakitean?
-         Zer da errazagoa kritikatzea, gure burua ala beste pertsonak?
-         Gai gara gure akatsak onartzeko eta errespetatzeko?
-         Zerbait kritikatzen edo zuzentzen dugunean errespetuz egiten dugu?

domingo, 12 de abril de 2015

Gogoeta: ERRESPETUA

ERRESPETUAren eramaileak izan gaitezen

Dagoeneko oporrak bukatu zaizkigu eta eskolan gauden bueltan gehiago ikasteko asmoz. Lan handia egin dugu eta egia esateko nahiko gutxi falta zaigu ikasturtea bukatzeko. Baino dakizuen bezala irakasleontzat ez da bakarrik garrantzitsua zuei matematikak, euskara edo ingelesa bezalako ikasgaiak erakustea. Hori bakarrik gure jakintzaren zati bat da. guretzat inportanteena pertsona onak izaten erakustea da. eta horregatik hilabete honetan zehar Errespetua landuko dugu.

Askotan entzungo zenuten gauzak errespetuz egin behar direla edo pertsonak errespetuz tratatu behar ditugula. Baino, zer da errespetua? Gauza asko izan daitezke. Baino orokorrean esan nahi du, besteak tratatu behar ditugula guri tratatzea gustatuko litzaigukeen moduan. Hau da, besteei ez egin, zuri egitea gustatuko ez litzaizukeena.

Aurreko hilabeteetan pertsonen arteko desberdintasunak zerbait positibo bezala ikusi dugu. Eta balore honekin pausu bat aurrera eman nahi dugu. Errespetua ez da bakarrik pertsonak bakean uztea edo ez molestatzea. Baizik eta bakoitza den bezalakoa onartu eta maitatu. Eta hori da hilabete honetan ahaleginduko garena.

Pentsatu momentu batez zure lagun guztietan. Guztiek izango dute guri gustatzen ez zaigun zerbait (agian oso berritsuak dira, edo gehiegi agintzen dute, edo aspergarriak dira…); baino hori kenduta asko maite ditugu. Hala ere, badaude beste pertsona batzuk askoz ere desberdinagoak direnak, baino horiek ere maitatuko ditugu. Besteen iritziak eta pentsamenduak entzun eta onartu behar ditugu. Horregatik ezin dugu esan gure ideiak besteenak baino hobeak direnik.

         Beraz, ea hilabete honetatik aurrera gai garen pertsonak diren bezala onartzen eta errespetatzen eta modu onean tratatzen. Errespetua baita erlazio guztien oinarria. Gure inguruko pertsonak onartu eta errespetatzen baditugu, ez dira arazorik sortuko.


Nor ausartuko da eskolan ERRESPETU eramaile izatera?

domingo, 22 de marzo de 2015

Ipuina: KOLORE-KOLORE

Koloreen munduan, bakoitzak bere izaera du. Adibidez berdea esperantzaren sinboloa da. Koloreen munduan arazoak sortzen direnean eta gehiegi konplikatzen direnean, Berdeak esaten die “ez galdu esperantza; galtzen ez baduzue, edozer konpondu daiteke”. Eta honen jarrerari esker, energia positiboaz kargatzen dira eta arazoak konpontzen dituzte.

Bestalde horia da. besteak elikatzea gustatzen zaio, eta horregatik zerealetan bizi da gehienbat. Hala ere, luzaroan oso gaizki banaturik darama. Lurralde batzuetan gehiegi dagoen bitartean, besteetan ez da iristen.

Kolore laranjak berriz, beroa igortzen du. Gainontzeko koloreak hotzez daudenean, beregana hurbiltzen dira berriro goxo-goxo sentitzeko. Eta hau gertatzen da laranja Eguzkian bizi delako.

Gero marroia dago, oso gaizki sentitzen dena. Zeren norbaiti zerbait gaizki ateratzen zaionean “que marrón” esaten dute. Eta horregatik koloreen munduan ere zerbait gertatzen denean kolore marroiari botatzen diote errieta. Horregatik, kolore marroia basora joan zen bizitzera lasai-lasai. Eta orain beste koloreak urduri daudenean, berarengana joaten dira lasaitzeko.

Gorria beti gelditu ezinik dabil. Beti arazoetan sartzen oso bihurria delako. Arazo mota guztietan topatu dezakegu, politikoetan, etxekoetan, maitasunean. Eta hori da oso bizia delako, gure bihotzetan bizi baita.

Ezin ditugu beltza eta txuria ahaztu. Beti elkarrekin doaz, beraien bizkarrak itsatsirik daude eta.  Orduan, siamesak direnez, aprobetxatzen dira besteei adarra jotzeko, bata bestearengatik etengabe aldatuz. Baino ez dute inoiz gezurrik esaten. Beraiek badakite gauza on guztiek badutela zerbait txarra; eta txar guztiek ere, beti dakartzatela zerbait ona; argia eta itzala bezala.

Eta ezin genituen arrosa eta urdina ahaztu! Oso kolore maitekorrak, ausartak, indartsuak eta eskuzabalak ziren. Baino historian zehar kolore arrosari pentsatzea eta erabakiak hartzen debekatu diote. Eta urdinari ordea, negar egitea eta beldurra izatea debekatu diote. Gainera, horretaz gain, arrosari esan zioten “zu beti panpinekin jolastu behar zara”; eta urdinari ordea “zu beti baloiarekin”. Baino egia esateko urdinari panpinak gustatzen zitzaizkion eta arrosa primeran pasatzen zuen futbolean.

Horregatik ezkutatzen ikasi zuten eta beraien jolasak elkartrukatzen ere. Pentsatu nahi zutenean, pentsatzen zuten; negar egin nahi zutenean, negar egiten zuten.

Baino horrelakoetan koloregabeak iristen ziren esanez: “urdina, utzi negar egiteari eta baztertu panpinak” “eta zu arrosa, baloia ezta ukitu ere eta ez hainbeste pentsatu”. Eta horrela urteak eta urteak pasa ziren; menderik mende.

Azkenean gure bi kolorean beldurrez egoten nekatu ziren; beraiek beraien izaera propioa izan nahi zuten, ez inposatutako bat. Eta horrexegatik egun batean koloreen mundutik ihes egin zuten. Urdina oso beldurturik zegoen; baino arrosak ideia bikaina izan zuen “zergatik ez gara gu biok nahasten?”.

Eta hala izan zen. Nahastu eta kolore MOREA sortu zuten. Honenbestez morea oso kolore maitekorra eta eskuzabala da. Gainera besteei laguntzen atsegin du. Oso kolore azkarra eta ausarta da. beldurra duenean negar egiten du; baino segituan pasatzen zaio. Futbolera jolastu nahi duenean, baloiarekin ibiltzen da; eta panpinekin nahi duenean, hauekin ibiltzen da. nahi duena egiten du; besteek pentsatzen dutena inporta ez diolako.

Horregatik morea libre izan nahi duten pertsona guztietan bizi da.

Hausnartzeko galderak:
-        Zein da ipuinetik gehien gustatu zaizun kolorea?
-        Zeinekin identifikatu zara?
-        Uste al duzu neskak eta mutilak desberdinak direla?

-        Zer gertatzen da mutil batek panpinekin jolasten bada? Eta neska bat futbolean? 

domingo, 15 de marzo de 2015

Bideoa: SOMOS IGUALES y DIFERENTES

Aurreko asteetan landu dugun bezala, berdintasuna gure bizitza alor guztietara zabaltzea gustatuko litzaiguke. Ez bakarrik neska-mutilen artean. Baizik eta, arraza desberdinen artean, familia eredu desberdinen artean, maila sozio-ekonomiko desberdinen artean, ikasketa maila desberdinak dituzten pertsonen artean…


Horregatik oso bideo labur batzuk ikustea proposatzen dizkizuegu. Horietan berdintasuna eremu desberdinetan ikusteko aukera izango dugu. Guk 5 sketch aukeratu ditugu. Baino youtube sartu ezgero gehiago daude; bilduma bat baita.




 Hausnarketa egiteko:

  • -        Zer erakutsi nahi ziguten aurreko bideoek?
  • -        Zuek uste duzue gure inguruan egoera horiek normaltzat hartzen ditugu?
  • -        Norbait desberdina denean normal tratatzen dugu?
  • -        Zer egin dezakegu guk gure inguruan berdintasunaren alde?

viernes, 6 de marzo de 2015

BERDINTASUNA gogoeta

Zer da berdintasuna? Guztiak berdinak al gara? A ze galdera zaila bi hauek. Alde batetik desberdinak gara, pertsona bakoitza izaera desberdina duelako eta gauza ezberdinak gustatzen zaizkigulako. Eta gainera hori da aurreko hilabetean zehar landu genuena abilezien balorearekin. Baino esan beharra dago, azken batean pertsona guztiak pertsonak garela eta eskubide berdinak ditugula.

Gaur egun oraindik desberdintasun handiak daude eskubideei dagokionez. Adibidez, ez da berdina Irunen bizi den mutil bat edo Afrikako herrialde pobre batean bizi den mutil bat. Zoritxarrez ez dituzte eskubide desberdinak. Eta zuen ustez legezkoa da eskubideak jaio garen tokiaren araberakoak izatea? Horregatik, hilabete honetan zehar berdintasunaren alde egin nahi dugu.

Baino berdintasunaren hitza, askoz ere zabalagoa da. Datorren martxoaren 8an Emakumearen eguna ospatzen da. eta egun hau zergatik ospatzen dugun galdetuko duzue. Ba erantzuna erraza da, emakumeak oraindik eskubide berdinak ez dituztelako toki guztietan. Aurrera pausu handiak eman dira historiako azkeneko urteetan zehar, baino leku askotan oraindik eskubide asko falta zaizkie. Begiratu zuen ingurura; desberdintzen zaituen zerbait ikusten duzue? Guretzako guztiak zarete ikasleak; ez du inporta neska edo mutilak izatea.


Oraindik askotan entzuten dugu neskak eta mutilak desberdinak garela. Adibidez: panpinak eta arrosa kolorea nesken kontua dela; urdina eta futbola mutilen gauzak direla; neskak negartiak direla edo mutilak ausartak. Baino ez dugu uste hori egia denik. Pertsona bakoitza desberdina da eta hori den bezalakoa onartu behar dugu. Beraz, hilabete honetan zehar gustatuko litzaiguke desberdintasun horiek baztertzea eta denak elkarrekin egotea. Ez du inporta neska edo mutila izatea, azkarra edo motela, dibertigarria ala aspergarria, pobrea ala aberatsa… Guztiak gara berdinak.


lunes, 16 de febrero de 2015

ABILEZIAK bideoa

Milaka trebezi edo abilezi

Bideo honetan “Factor-X” eta antzeko programetan agertzen diren pertsonen trebeziak ikusiko ditugu. Honekin erakutsi nahi dugu, milaka trebezia eta abilezia daudela eta bakoitzak seguru bat baino gehiago dauzkagula. 



domingo, 8 de febrero de 2015

ABILEZIAK ipuina

Elkarrekin eta nahasturik hobe
Bazen behin herrialde  bat besteengandik oso urruti zegoena. Ez zitzaion beste herrialdeekin kontaktuan egotea; eta horregatik harresiz inguratu zuten beraien lurralde guztia. Hala ere, herrialde horren barruan bost herri garrantzitsu zeuden eta bata bestearengandik fronterekin eta harresiekin banaturik. Gainera, herri batetik bestera pasatzea ia ezinezkoa zen.
Herri bakoitzean gauza jakin batean trebeak ziren. Adibidez, Brush izeneko herri batean, biztanle guztiak oso onak ziren marrazten eta margotzen. Txikitatik margotzen ikasten zuten bai etxean eta baita eskolan ere. Horregatik beraien kaleak oso politak ziren, koadroz eta horma-irudiz beterik zeudelako.
Herri honen ondoan, Abako izeneko herrixka bat zegoen. Bertako pertsonak oso onak ziren matematiketan. Neska mutiko txikienak ere biderkatzeko taulak buruz zekizkiten. Eta denbora igarotzen zuten dena kalkulatzen. Horregatik beraien kaleak kalkulagailuz eta arbelez beterik zeuden.
Olimpo izeneko herrian guztiak kiroletan oso trebeak ziren bitartean, Dorremi hirian musikan benetan finak ziren eta egun guztian zehar kontzertuak zeuden kaleetan. Eta azkeneko herrian, ezin hobeak ziren natura zaintzen.
Baino esan dugun bezala, ezin zitekeen herri batetik bestera igaro. Bakoitzari bere herrian egiten ziren gauzak gustatu behar zitzaizkion. Baino egun batean Brush herriko neska bat aspertu zen margotzeaz, eta bere gurasoei beste herri batera joateko baimena eskatu zien. Gurasoek egundoko haserrea hartu zuten eta ezetz esan zioten; beren ustetan margotzea munduan zegoen gauzarik hoberena zelako.
Baino neskatxa honi benetan kirolak gustatzen zitzaizkion eta horregatik gau batean, ezkutuka, Olimpo herrira abiatu zen. Bertan ikusi ahal izan zuen mundu guztia kiroletan jarduten zuela egun guztia. Bazter guztietan futbol zelaiak, igerilekuak, saski baloi jolastokiak eta kiroldegiak aurki zitezkeen; neskarentzat paradisua zen.
Neska segituan jarri zen futbolean jolasten bertakoekin. Hasieran nabaritzen zitzaion ez zela guztiz trebea, baino gogoz jolasten zuenez; segituan hartu zuen bertakoen martxa. Egunak pasa hala, mutil triste batekin egin zuen topo. Mutila benetan txarra zen kiroletan, eta berari gustatzen zitzaiona musika zen. Neskak ezkutuan herriz aldatu zela kontatu zion. Hala ere, mutila ez zen neska bezain ausarta eta ez zen gai Dorremi herrira joateko.
Horrexegatik biak plan bat burutzeko elkartu ziren. Hiritar guztiak lotara joan zirenean, bikoteak bertako kirol material guztia ezkutatu eta kale guztiak koadroz eta kolorez bete zituzten. Hurrengo egunean herritarrak jaiki zirenean, guztiz harriturik geratu ziren. Ez zekiten herri bat horren polita izan zitekeen. Guztiz liluraturik geratu ziren. Eta orduan pentsatu zuten ez zekitela zergatik orain arte beraien herria hain itsusia zen.
Momentu horretan neska eta mutila guztien aurrean hitz egin zuten, kontatuz mugek eta harresiek ez zituztela zentzurik. Pertsona bakoitzak bere gustuak eta abileziak dauzka, naiz eta toki batean edo bestean jaio, neska ala mutila izan edo heldua edo gaztea izan.
Eta bikote honi esker, bost herrialdeen arteko harresiak suntsitu zituzten. Honi esker, pertsona bakoitza libre izan zen bere zaletasunak aukeratzeko. Gainera, herri batzuk besteei laguntzen zieten beraien hoberena oparituz. Eta horregatik egun horretatik aurrera musika, matematika, kirola, artea eta natura elkarrekin bizi dira elkar aberastuz. 

Hausnartzeko galderak:
-      Seigarren herri bat egonez gero, zein abilezia izatea gustatuko litzaizueke?
-      Zer iruditzen zaizue hasierako egoera? Gustatuko al litzaizueke herriak zaletasunen arabera banatuak egotea?
-      Zertarako balio zuten harresiek? Zuen ustetan onurak ekartzen zituzten?
-      Harresiak kendu zituztenean, onurak lortu zituzten? Zeintzuk?
-      Uste duzue trebezia guztiak garrantzitsuak direla?

-      Mundu guztiari gauza berdinak gustatuko balitzaiguke, bizitza entretenigarria izango zen? 

domingo, 1 de febrero de 2015

ABILEZIAK gogoeta

Izan gaitezen ABILEZIEN eramaileak 
Aurreko hilabetean bakea landu genuen, eta hau oso gai sakona eta garrantzitsua da; inori ez bai zaizkigu gudak gustatzen. Baino hilabete honetan zehar zerbait alaiagoa eta gertuagokoa ikusiko dugu. Zehatzago izateko, gure barnean begiratu beharko dugu. Momentu batez goazen begiak ixtera eta pentsatzera nolakoak garen. Zer da ni besteengandik bereizten nauena? Zertan naiz trebea? Zerekin disfrutatzen dut? Zer daukat nik besteei erakusteko? Galdera hauek oso garrantzitsuak dira. zeren batzuk pentsatuko dute gauza guztietan txarrak direla. Baino hori ez da egia. Guztiok dugu gure barnean altxor bat. Eta eskerrak denak desberdinak garela eta abilezi desberdinak dauzkagula. Zeren horri esker gizarteak aurrera egiten du. Imajinatzen duzue guztiak matematiketan oso trebeak izatea, baino oso txarrak eskulanetan? Mundua oso zehatza eta kalkulatua izango zen, baino arte lanik gabekoa; tristea. Beraz, argi eduki behar dugu guztion trebeziak ezin bestekoak direla. Eta abilezi horiek ezin ditugu gure barnean isolaturik utzi. Besteekin elkar banatu behar ditugu. Beti dugu zerbait besteei erakusteko. Eta gure ingurukoek beti dute zerbait gu zoriontsu egiteko. Beraz, denen artean mundua kolorez betetzen goaz. Honenbestez, hilabete honetan zehar zuen abileziak zeintzuk diren ezagutu nahi ditugu! Pentsatzen joan zaitezte; Zertan zarete onak? Edozer gauza balio du! Ea eskolako ikasle guztien artean zerrenda bukaezin bat sortzen dugun! Margotu, dantzatu, kirolak, lagunak egiten, jendearen aurrean hitz egiten, ordenagailuekin lan egiten, argazkiak ateratzen, sukaldatzen, gauzak ikasten, naturaz gozatzen… 

Goazen ba orain entzutera zuetako bakoitza zertan den trebea!

miércoles, 28 de enero de 2015

Bakearen inguruko ipuin eta bertso lehiaketa LHn

Ostiral honetan munduko eskola askotan BAKEAren eguna ospatuko da. Eta horrexegatik aurten 5. eta 6. mailakoen artean ipuin eta bertso lehiaketa bat antolatu dugu. Egia esateko oso lan politak sortu dituzte. Baino gela bakoitzetik ipuin eta bertso bat aukeratu ditugu irabazle moduan. Eta hemen dituzue aukeratutako idazlanak. espero dugu zuen gustukoak izatea; eta batez ere, hitz horiek esaten dutena egia bihurtzea. Eta gogoratu: 

Guri dagokigu bake eramaileak izatea!!!

domingo, 25 de enero de 2015

BAKEA bideoa

 Puk eta harresia
Aste honetan landuko dugun bideoa Intermon Oxfam-en kanpaina bateko bideoa da. Bertan ikusiko dugu Puk izeneko mutil baten istorioa. Mutil hau bizi den herria harresi batez inguratuta dago, eta berak ez du oso ondo ulertzen zergatik. Agintariak konbentzitzen ahalegintzen da, baino lortzen duena kontrakoa da.
Azkenean ikusten da nola harresia erortzen den eta denak elkarrekin askoz ere zoriontsuagoak direla. Bideo honekin erakutsi nahi dena da, pertsona guztiak elkarrekin eta bakean bizitzeko gai garela. Guztiak elkar errespetatzen bagara, lagunak izan gaitezke eta bakean bizi.



  
Hausnartzeko galderak:

-      Zergatik eraikiko zuten horrelako harresia?
-      Zerbaitetarako balio du?
-      Zer iruditzen zitzaion Puk-eri harresi hori hor egotea? Eta zuei?
-      Gustatuko litzaizueke gure herrian horrelako bat izatea?
-      Herriak bakean bizitzea posiblea dela pentsatzen duzue?

-      Ezagutzen duzue gaur egun horrelako harresirik?

domingo, 18 de enero de 2015

BAKEA ipuina

 Herensugearen malkoak


Urrun, oso urrun, herrialde bitxi bateko haitzulo sakon batean, herensuge bat bizi zen. Haren begiek egur gori-goriak bezala egiten zuten dir-dir. Inguruko jendea beldur zen, eta espero zuen norbait herensugea hiltzeko gauza izatea. Denei ikara ematen zien herensugeari buruzko kontuak entzuteak, eta haurrek isilean negar egiten zuten, herensugeak entzungo zituelako beldurrez.

Baina bazen mutil bat, beldurrik ez zuena:
- Taró, nor gonbidatuko dut zure urtebetetze-festara?
- Amatxo, herensugea gonbidatzea nahi nuke.
- Txantxetan ari zara? – erantzun zion amak.
- Ez, esan iezaiozu herensugeari etortzeko – esan zion berriz mutilak.
Amak buruari eragin zion, nahigabetuta: ez da posible, nola liteke nire seme honek halako ideia arraroak izatea!

Urtebetetze-eguna iritsi zen, eta Tarók etxetik alde egin zuen. Mendian ibili zen, uharrak eta basoak zeharkatuz, herensugea bizi zen mendira iritsi arte.
- Herensuge jauna! Herensuge jauna! – oihu egin zuen sutsuki.
- Zer gertatzen da, ordea? Nor ari zait deika? – pentsatu zuen herensugeak, eta burua atera zuen haitzulo handiaren ahotik.
- Gaur nire urtebetetzea da, eta gozoki pila bat prestatuko ditu amak – esan zion garrasika mutilak. Zu gonbidatzeko etorri naiz.

Herensugeak ezin zuen entzundakoa sinetsi, eta mutilari begiratzen zion, ahots zakarraz marmarrean. Taró, ordea, ez zen beldur, eta oihuka esan zion:
- Herensuge jauna! Etorriko zara urtebetetze-festara?

Herensugea konturatu zen mutila benetan ari zela. Hunkituta, hau pentsatu zuen:
- Gorroto naute denek, eta beldurra didate. Inork ez nau sekula gonbidatu urtebetetze-festa batera. Ez nau inork maite. Zer txintxoa den mutil hau!
Pentsamendu horiek buruan zituela, begietatik malkoak irteten hasi zitzaizkion. Hasieran, malko gutxi batzuk besterik ez; baina, gero, ezin zion negarrari eutsi, eta malkoek bailaran behera zihoan ibaia sortu zuten.
- Zatoz, jar zaitez nire zerraren gainean – esan zion herensugeak negar-zotinka – etxera eramango zaitut.
Herensugea gordelekutik ateratzen ikusi zuen mutilak. Narrasti ederra zen: kolorezko ezkata meheak zituen, sugea bezain bihurria zen, eta hanka mardulak zituen.

Taró animalia basatiren bizkarrera igo zen, eta herensugea igerian hasi zen malko-ibaian behera. Igerian ari zela, animaliaren gorputzaren itxura eta tamaina aldatu egin ziren, magia bitxi baten eraginez. Mutila etxera iritsi zen, zoriontsu, herensuge itxurako txalupa apaingarri politez josi baten lema eskuan zuela.




Hausnartzeko galderak:

-      Zergatik zioten beldurra herensugeari?
-      Zer egin zuen Tarók? Ausarta zela pentsatzen al duzue?
-      Nola sentitu zen herensugea Tarók urtebetetzera gonbidatzean?
-      Herensugea benetan maltzurra al zen?
-      Batzuetan ez al ditugu gure inguruko pertsonak gaizki epaitzen?

-      Aurreiritziei kasu egin behar al zaie beti?